Eldgos og heilsa

Abstract

Brýnt er að rannsaka áhrif eldgossins á loftgæði vegna öskufallsins og áframhaldandi svifryks af völdum þess en slíkt getur varað svo mánuðum eða jafnvel árum skiptir. Fylgjast þarf með magni og samsetningu svifagna og hvernig þær veðrast með tímanum til að greina hugsanleg langtímaáhrif á öndunarfæri. Alþjóðlegt og þverfræðilegt teymi sérfræðinga hefur þegar birt frumniðurstöður um samsetningu og gerð ösku sem féll til jarðar á svæðinu undir Eyjafjöllum, sem sýna að þótt askan sé mikil og töluverður hluti hennar sé mjög fíngerður (2­13 hundraðshlutar rúmmáls (h.r.) minni en 4 µm, og 4­26 h.r. minni en 10 µm) er nánast engar kísilnálar að finna í henni. Það er vísbending um að askan sé ekki líkleg til að valda lungnaskaða til skamms tíma. Um langtímaáhrif er hins vegar of snemmt að segja