Ný breiðrófs-sýklalyf

Abstract

Þrátt fyrir að nú eru innan við 50 ár frá tilkomu fyrsta fúkalyfsins (antibiotic) hefur þeim fjölgað það ört að nú er nær ókleift að henda reiður á þeim öllum. Árið 1957 skrifaði Garrod (1) í leiðara í breska læknablaðinu: »Með tilkomu nýrra nytsamra sýklalyfja á eins til tveggja ára fresti, er það læknum sífellt meira vandamál, að þekkja sýklalyfin sem þeir eiga völ á». Þetta er mun meira vandamál í dag þar sem síðastliðin ár hafa komið fram á sjónarsviðið mörg sýklalyf (antimicrobials) á ári. í október síðastliðnum voru skráð í fyrsta sinn á íslandi tvö lyf af flokki 4-kínólóna, sem eru fyrstu verulega breiðvirku sýklalyfin til inntöku. Af þessu tilefni ætla ég að fjalla um breiðrófs-P-laktam-sýklalyf og kínólónafbrigði og ræða um helstu ábendingar fyrir notkun þeirra. Til að gera greinina læsilegri mun ég stikla á stóru og alhæfa nokkuð um lyfin.