Hver er staða áfallahjálpar á Íslandi í dag? [ritstjórnargrein]

Abstract

Áfallahjálp kemur upp í hugann þegar atburðirnir í Asíu og tíu ára minning snjóflóðanna í Súðavík eru í fréttum. Viðtöl hafa birst við geðhjúkrunarfræðing sem sinnir áfallahjálp í Indónesíu og áfallahjálpin í Súðavík hefur verið rifjuð upp í fjölmiðlum. En hvað er sameiginlegt með þessum tveimur náttúruhamförum þar sem annars vegar farast á þriðja hundrað þúsund manns og hins vegar 14 Íslendingar. Sameiginlegt er þörfin fyrir áfallahjálp, mismunurinn er hins vegar umfangið. En allt er afstætt í heimi hér. Við erum lít­il þjóð og sá fjöldi sem fórst í Súðavík og síðan á Flat­eyri er í okkar augum gífurlegur missir og miklar ham­farir.