Athugun á sýklalyfjanotkun á sjúkrahúsi í Reykjavík og á Akureyri

Abstract

Á undanförnum árum hafa sýklalyfjaávísanir lækna í Reykjavik og úti á landsbyggðinni verið kannaðar (1-8). Í ljós hefur komið að sýklalyfjanotkun er mun algengari í Reykjavik en úti um land. Þessar kannanir hafa eingöngu náð til lækna er starfa utan sjúkrahúsa. Engar kannanir á sýklalyfjanotkun á sjúkrahúsum í Reykjavik annars vegar og á landsbyggðinni hins vegar hafa verið birtar. Hér er skýrt frá niðurstöðum athugunar á sýklalyfjanotkun á tveimur sjúkrahúsum, öðru í Reykjavik en hinu á Akureyri.