• Einkenni og lífsgæði íslenskra krabbameinssjúklinga á ópíoíðum [myndefni]

      Sigríður Zoéga (Landspítali - háskólasjúkrahús, 2009-01-28)
      Í fyrirlestri sínum fjallar Sigríður Zoéga hjúkrunarfræðingur um rannsókn sína til meistaragráðu í hjúkrunarfræði - - ÚTDRÁTTUR --Krabbameinssjúklingar finna fyrir mörgum einkennum sem hafa áhrif á lífsgæði þeirra. Í þessari lýsandi, þversniðs, fylgnirannsókn á 150 krabbameinssjúklingum á ópíoíðum, reyndist meðalfjöldi (SF) vera 9,0 (3,3) síðastliðna viku en meðalstyrkur einkenna 0,9 (0,5). Algengustu einkenni voru þreyta, verkir og slappleiki. Fjöldi einkenna skýrði 25,8% af dreifingunni í heilsu/lífsgæðum, leiðrétt fyrir aldri og kyni, en verkir, þreyta, svefnleysi og depurð skýrðu 33,6% af drefingunni í heilsu/lífsgæðum. Niðurstöðurnar eru að mestu í samræmi við það sem annarsstaðar hefur komið fram. Fjöldi einkenna sem og verkir og þreyta voru tengd skertum lífsgæðum. Niðurstöðurnar benda til þess að hægt sé að bæta lífsgæði krabbameinssjúklinga með því að meta og meðhöndla krabbameinstengd einkenni. ------ Lengd:27 mínútur