Áhrif umönnunarumhverfisins á þróun sjúkdómanna og einkenna þeirra : umönnun fólks með heilabilunarsjúkdóma í ljósi kenninga Tom Kitwood

Abstract

Við mannfólkið byggjum á fortíðinni og tengjum okkur við hana: við vitum hver við erum og hvaðan við erum. Við þekkjum fjölskyldur okkar og vini, við vitum hvað þetta fólk heitir. Við vitum hvort við eigum börn eða ekki. Flest okkar hafa þekkt foreldra sína, afa og ömmur og við munum eftir þeim. Við munum margt frá barnæsku og eigum minningar, góðar minningar og slæmar minningar, minningar sem segja okkur að við höfum verið til, að við höfum lifað lífi sem er einstakt, okkar lífi. Samhengið í lífi okkar veitir ákveðna öryggiskennd, en hvað gerist þegar við töpum samhenginu? Hvað verður um öryggiskenndina?