Þyngdaraukning á meðgöngu hjá konum í kjörþyngd fyrir þungun : áhrif á útkomu meðgöngu og heilsu móður

Abstract

Meðganga veldur í langflestum tilvikum þyngdaraukningu hjá hinni verðandi móður. Rannsóknir undanfarinna ára benda til að ráðleggingar um þyngdaraukningu á meðgöngu hafi verið of strangar m.t.t. hættu á offitu og fylgikvillum. Bandarískar ráðleggingarnar sem Institut of Medicine (IOM) setti árið 1990 mæla með þyngdaraukningu á bilinu 11.5 til 16.0 kg fyrir konur sem eru í kjörþyngd fyrir þungun. Á Íslandi var oft miðað við töluna 12.5 kg en það var meðalþyngdaraukning í skoskri rannsókn sem gerð var á árunum 1950-65. Þar sem ofþyngd og offita er vaxandi áhyggjuefhi, þá var gerð rannsókn á þyngd eftir meðgöngu á Íslandi, til að rannsaka líkur á ofþyngd eða offitu meðal kvenna sem voru í kjörþyngd fyrir þungun. Rannsóknin sýndi að 89% kvennanna höfðu náð kjörþyngd aftur einu og hálfu til tveimur árum eftir fæðingu, óháð hversu mikið þær þyngdust á sjálfri meðgöngunni (sem var allt að 24 kg).