Stuðningshópar : áhrifarík leið til samvinnu við aðstandendur aldraðra á hjúkrunarheimilum

Abstract

Markmið höfundar þessarar greinar er að sýna fram á gagnsemi stuðningshópa fyrir fjölskyldur sjúklinga sem þjást af heilabilun á hjúkrunarheimilum. Í greininni verður kynnt hvers vegna og hvernig stuðningshópar geta hentað vel sem hjúkrunarmeðferðarúrræði við aðlögun að breyttum aðstæðum. Sagt verður frá skilgreiningu á stuðningshópum frá sjónarhorni hjúkrunarfræðinga, hagnýtingu þeirra og útfærslu. Síðan verður fjallað um þá hjúkrunarmeðferð sem felst í formi stuðningshópa fyrir aðstandendur aldraðra sem notuð hefur verið á einu hjúkrunarheimili í Reykjavík og loks um árangur meðferðar með stuðningshópum.