Þróun hýpókóns á sex og tólf ára jöxlum í efri gómi hjá Íslendingum

Abstract

Notaðar voru gifsafsteypur af tönnum 1011 barna og unglinga frá Húsavík og Norður- og Suður-Þingeyjarsýslum. Gagnasöfnun fór fram 1973 til 1975. Flokkunarkerfi Dahlbergs var beitt við leit að og flokkun á hýpókónum á sex og tólf ára jöxlum og viðmiðunarmódel Dahlbergs (P9) haft til hliðsjónar. Niðurstöður úr hægri hlið voru notaðar. Tölur úr vinstri hlið voru þó notaðar þegar samsvarandi jaxl vantaði í hægri hlið eða reyndist ónothæfur. Með nokkurra vikna millibili voru 476 jaxlar skoðaðir tvisvar. Sama niðurstaða fékkst í 96,8% tilfella. Á M1 voru 95,2% hýpókóna í fullri stærð en 6,7% á M2. Hýpókón vantaði á 28,5% og var mjög lítill á 17,1% M2. Tilsvarandi tölur fyrir M1 voru 0,1% og 0,5%. Munur milli kynja var marktækur á M2 en ekki á M1.