Nálaskiptiþjónusta minnkar skaða vegna neyslu

Abstract

Nálaskiptiþjónusta, sem miðar að því að draga úr þeim skaða sem sprautunotkun fíkla veldur þeim sjálfum ásamt samfélaginu í heild, hefur víða gefið góða raun. Á Íslandi er áætlað að sprautunotendur séu um 700 talsins og að um 300 þeirra séu smitaðir af lifrarbólgu C. Hingað til hefur HIV-smit ekki náð að breiðast út í þennan hóp en nú virðist vera breyting þar á. Jafnvel þó að HIV-smit hafi enn ekki náð mikilli útbreiðslu á meðal vímuefnaneytenda sem sprauta sig er mikilvægt að koma á samfélagsmiðuðu forvarnarstarfi. Slíkt getur takmarkað frekari útbreiðslu smits verulega þó að lítið sé um smit hérlendis enn sem komið er.