Jafnvægisviðbrögð hjá konum með nýleg og langvarandi einkenni eftir hálshnykk af gráðu I–II

Abstract

Markmið rannsóknarinnar var að bera saman jafnvægisviðbrögð hjá tveimur hópum kvenna með hreyfitruflanir frá efri hálshrygg í kjölfar hálshnykks af gráðu I–II. Í öðrum hópnum voru konur (n=12) með nýleg einkenni (10–12 vikur frá áverka) og í hinum hópnum konur (n=20) með langvarandi einkenni (>1 ár). Einkennalausar konur (n=30) gáfu grunnviðmið. Jafnvægisviðbrögð voru mæld með „dynamic posturography“ (SMART Balance Master frá NeuroCom International Inc.). Niðurstöðurnar leiddu í ljós að hálshnykks- hóparnir höfðu verra jafnvægi en viðmiðunarhópurinn (p<0.001). Þar að auki sýndu konurnar sem voru með langvarandi einkenni meiri jafnvægistruflanir en konurnar með nýleg einkenni (p= 0.04). Niðurstöðurnar benda til að það sé mikilvægt að meta konur með hálshnykksáverka og hreyfitruflanir frá efri hálshrygg snemma með tilliti til jafnvægis. Jafnvægistruflanir sem stafa frá efri hálshrygg geta verið mikilvægur þáttur til að skilja hvers vegna sumir þeirra sem hafa fengið hálshnykk fá langvarandi einkenni. Viðeigandi jafnvægismeðferð gæti komið í veg fyrir að einkenni og afleiðingar verði eins langvarandi og erfið og raun ber vitni.