Virkni sternocleidomastoid vöðva í tveimur þungaberandi stöðum

Abstract

Óþægindi frá stoðkerfinu eru algeng hjá einstaklingum sem vinna við tölvur. 24,48,49,55,56 Rannsóknir hafa sýnt fram á að bæði vinnustellingar og vinnuumhverfi geta verið undirliggjandi þættir í þróun einkenna fyrir háls- og herðasvæði.1,7,24,25,28,40,48,49,50,56 Aðferðir til að mæla virkni hálsvöðva eru ólíkar54 sem og aðferðir við mælingar á höfuð-hálsstöðu (cranio-cervical posture) þannig að samanburður er oft erfiður á milli rannsókna.29,41 Sú aðferð sem mest hefur verið notuð til mælingar á virkni beygjuvöðva háls er „höfuð-háls beygju prófið” (cranio-cervical flexion test) með aðstoð vöðvarafrits (EMG).4,16,17,31,33,34,42,52,57 „Höfuð-háls beygju prófið“ mælir hins vegar ekki virkni hálsvöðva í þungaberandi stöðu við starfræna færni. Sama má segja um mælingar á höfuð-háls stöðu sem enn hafa ekki verið staðlaðar fyrir þungaberandi stöðu. Fáar rannsóknir hafa mælt virkni beygjuvöðva háls í þungaberandi stöðu og engin „randomized controlled trials“ (RTC) (slembuð samanburðarrannsókn) hefur verið birt. Enn hefur ekki verið fundin sönnun fyrir sambandi milli höfuð-hálsstöðu og hreyfistjórnunarkerfisins (motor control).49 Rannsóknir hafa sýnt mismunandi niðurstöður varðandi hlutverk höfuð-hálsstöðu við verkjavandamál í hálsi og herðum.29,41 M. sternocleidomastoid hefur lítið verið rannsakaður í mismunandi höfuð-hálsstöðum í þungaberandi stöðu. Hlutverk m. sternocleidomastoid er tvíþætt, réttir (neck extensor) í atlanto-occipital lið en beygir (neck flexor) í neðri hluta hálsins.8,18,26 Tilgangur rannsóknarinnar var að mæla virkni í m. sternocleidomastoid hjá þátttakendum í sitjandi stöðu með höfuð í hvíldarstöðu (resting head posture) og í miðstöðu (neutral head posture).