Dreifing 6, 12 og 15 ára íslenskra barna sem þátt tóku í landsrannsókn á tannheilsu 2005 í áhættuhópa eftir alvarleika tannskemmda

Abstract

Inngangur: Landsrannsókn á tannheilsu 6, 12 og 15 ára barna (MUNNÍS) var framkvæmd árið 2005. Það sama ár gaf Embætti landlæknis(EL) út Klínískar leiðbeiningar um varnir gegn tannátu á Íslandi. Nýlega gerði Tannlæknafélag Íslands tillögu að áhættuflokkun og forgangsröðun íslenskra barna að tannlæknaþjónustu byggða á Klínískum leiðbeiningum Embættis landlæknis. Rannsakað var hvernig þátttakendur MUNNÍS rannsóknar dreifðust milli áhættuhópa Tannlæknafélags Íslands eftir alvarleika tannskemmda. Efniviður og aðferðir: Tannáta 6, 12 og 15 ára barna var greind eftir ICDAS greiningu á tannflöt (ds/DS1-6, ds/DS3-6). Skilgreind voru áhættuviðmið fyrir þrjá áhættuflokka TFÍ, sem taka mið af aldri einstaklinga, fjölda skemmdra tannflata og alvarleika tannskemmda (ds1-6/DS1-6). Mikil áhætta fyrir 6 ára ds(3-6 )4, DS(3-6)2, fyrir 12 ára DS(3-6)4 í sex ára jöxlum, DS (3-6)1 í framtönnum og fyrir 15 ára DS(3-6)8 í forjöxlum/jöxlum, DS(3-6)2 í framtönnum. Miðlungs áhætta fyrir 6 ára ds(1-6)4, DS(1-6)2, fyrir 12 ára DS(1-6)4 í sex ára jöxlum, DS(1-2)1 í framtönnum og fyrir 15ára DS(1-6)8 í forjöxlum/jöxlum, DS(1-6)2 í framtönnum. Aðrir voru flokkaðir í litla áhættu. Niðurstöður: Samkvæmt áhættuflokkun TFÍ eru 6,7% sex ára , 8,7% tólf ára og 9,8% fimmtán ára barna í mikilli áhættu. 24,9% sex ára, 36,3% tólf ára og 42,3% fimmtán ára barna í miðlungs áhættu og 68,4% sex ára barna, 55,0% tólf ára og 47,9% fimmtán ára barna í lítilli áhættu. Börn án tannátu í barna- og fullorðinstönnum [d(3-6) mf+D(3-6)MF=0/d(1-6)mf+D(1-6)MF=0] eru 56% /36% 6 ára barna, 28% /12% 12 ára barna og 19% /6% 15 ára barna. Ef börn í mikilli og miðlungs áhættu eru talin saman tilheyra um 32% sex ára, 45% tólf ára og 52% fimmtán ára áhættuhópi. Um helmingur íslenskra barna tilheyra áhættuhópi vegna tannátu samkvæmt áhættuflokkun TFÍ. ---------------------------------------------------------------------------

The Icelandic Oral Health Survey of children, 6, 12 and 15 years old was undertaken in 2005 (MUNNÍS) the same year that the Directorate of Health issued evidence-based guidelines for preventive strategies against caries. The Icelandic Dental Association has proposed a risk assessment and priority schedule regarding dental treatment for children, based on guidelines from the Directorate of Health. The project examined how the participants of the 2005 survey were distributed between risk groups identified by the Icelandic Dental Association based on severity of caries.