Hlustarbólga eftir sundnámskeið

Abstract

Tilgangur: Tilgangur rannsóknarinnar var að lýsa faraldri hlustarbólgutilfella sem stafaði af P. aeruginosa í kjölfar sundnámskeiðs í heimavistarskóla. Efniviður og aðferðir: Tuttugu og sjö börn á aldrinum 10-14 ára, nemendur í heimavistarskóla á Austurlandi tóku þátt í sundnámskeiði sem stóð í tvær vikur. Börnin fóru í sund fjórum sinnum á dag (mánudag-föstudag) á tveggja vikna tímabili. Þegar ljóst varð að tilfellum hlustarbólgu fór fjölgandi meðal þeirra voru öll börnin skoðuð af tveimur læknum með eyrnarsmásjá, einnig var gerð hljóðhols- (þrýstings) mæling á miðeyrum. Bakteríuræktanir voru teknar úr hlust báðum megin. Niðurstöður: Alls fengu 17 (63%) af börnunum einkenni hlustarbólgu meðan á sundnámskeiðinu stóð eða strax á eftir. Skoðun með eyrnasmásjá sýndi að sjö þeirra höfðu væg bólgueinkenni, fjögur millistigs en sex höfðu miklar bólgubreytingar í hlustargangi. Tólf (70,6%) þessara bama höfðu bólgubreytingar báðum megin. P. aeruginosa ræktaðist frá 11 (64,7%) þeirra sem höfðu einkenni en tveimur sem höfðu engin einkenni. Einkenni byrjuðu að meðaltali 2,1 degi (staðalskekkja 0,5) eftir að námskeiðinu lauk og stóðu í 11,4 daga (staðalskekkja 2,2). Alyktanir: Ekki er hægt að ráðleggja endurteknar sundlaugarferðir á stuttum tíma nema gæði vatnsins séu tryggð með reglulegu eftirliti og ræktunum á bæði kólíbakteríum og P. aeruginosa.