• Tilfelli mánaðarins : [augnknattarbólga] [sjúkratilfelli]

      Áslaug Geirsdóttir; Magnús Gottfreðsson; Haraldur Sigurðsson (Læknafélag Íslands, Læknafélag Reykjavíkur, 2009-10-01)
      36 ára gömul áður hraust kona leitaði til augnlæknis vegna mánaðarsögu um versnandi sjón á vinstra auga. Hún hafði orðið uppvís að sprautumisnotkun sex mánuðum fyrr. Augað var verkjalaust og án roða. Sjón mældist 0,1 á vinstra auga en 1,0 á því hægra. Augnbotn vinstra augans er sýndur á mynd 1, en blæðing sást við sjóntaugina og lítill hvítleitur blettur á makúlu. Einnig mátti greina einstaka frumur í forhólfi augans og hvítleitar þéttingar í glerhlaupi sem sjást á mynd 2. Hver er líklegasta greiningin, hverjar eru helstu mismunagreiningar og hver er besta meðferðin?
    • Tilfelli mánaðarins : rautt auga sem svarar ekki meðferð [sjúkratilfelli]

      Elín Gunnlaugsdóttir; Ingibjörg Hilmarsdóttir; Eydís Ólafsdóttir; Augndeild, Landspitala. elingun@landspitali.is (Læknafélag Íslands, Læknafélag Reykjavíkur, 2009-12-01)
      Rúmlega tvítugur, áður hraustur, karlmaður leitaði til heimilislæknis vegna verkja og roða í vinstra auga. Hann notaði augnlinsur að staðaldri. Hafin var meðferð með augndropum sem innihéldu hýdrókortisón, terramycín og polymyxín B, í vinstra auga. Tveimur vikum síðar voru engin merki um bata og leitaði hann því aftur læknis sem ávísaði augnsmyrsli með sýklalyfjum. Einkenni létu ekki undan og var honum þá vísað til augnlæknis sem framkvæmdi nákvæma augnskoðun. Sáust þá hvítir blettir á hornhimnu (mynd 1) sem fór fjölgandi næstu vikuna og mynduðu hring á hornhimnunni (mynd 2).