• Sjúklingur með flókinn, meðfæddan hjartagalla [sjúkratilfelli]

      Hróðmar Helgason; Gunnlaugur Sigfússon (Læknafélag Íslands, Læknafélag Reykjavíkur, 1998-04-01)
      Sjúklingurinn er tæplega þriggja ára gömul stúlka með meðfæddan hjartagalla. Henni var fyrst vísað til skoðunar er hún var fjögurra mánaða gömul vegna mæði og hjartaóhljóðs. Hún fæddist eftir eðlilega meðgöngu og fæðingu og dafnaði þokkalega vel fyrstu vikurnar. Er hún var eins mánaðar gömul kvefaðist híín en að sögn foreldra var lítil breyting næstu vikurnar. Henni voru gefin sýklalyf og úðalyf vegna astma án verulegs árangurs. Við skoðun var hún með áberandi hjartslátt við þreifingu á brjósti, eðlilegan fyrsta hjartatón en annar hjartatónn var einfaldur og hvellur. Þá hafði hún 3/6 slagbilsóhljóð sem heyrðist yfir öllu brjóstinu og áberandi út í holhönd báðum megin. Einnig náði óhljóðið yfir í lagbil. Hjartarit sýndi hægri öxul og stækkun á hægri slegli. Ómskoðun sýndi að hún var með stórt op á milli slegla, ósæð var yfirstæð (overriding aorta) en engar miðlægar meginlungnaslagæðar sáust. Hjartaþræðing staðfesti niðurstöður ómunar og að auki sást að blóðflæði til lungna kom frá tveimur æðum (collateral æðum) sem komu frá ósæðarboga (mynd 1). Ekki sáust þrengingar í þessum æðum.