• Feitt er oss enn um hjartarætur : „arrhythmogenic right ventricular dysplasia“ [sjúkratilfelli]

      Karl Andersen; Jörgen Albrechtsen; Helgi J. Ísaksson; Gizur Gottskálksson (Læknafélag Íslands, Læknafélag Reykjavíkur, 1999-02-01)
      Sjúkratilfelli- Fjörutíu og níu ára gamall maður leitaði á heilsugæslu vegna brjóstverkjar. Verkurinn kom skyndilega og án áreynslu, leiddi frá brjósti og upp í höfuð og stóð í 20 mínútur. Undanfarinn hálfan mánuð hafði sjúklingur fundið fyrir endurteknum svimaköstum án tengsla við áreynslu. Hann hafði ekki áður fundið fyrir óþægindum frá hjarta. Heilsugæslulæknir í heimabyggð tók hjartalínurit sem sýndi tíð aukaslög frá sleglum. Sjúklingurinn var því sendur á vaktspítala til nánari rannsókna og meðferðar.
    • Gallsteinn í kviðslitssekk [sjúkratilfelli]

      Guðrún Aspelund; Anna Björg Halldórsdóttir; Helgi J. Ísaksson; Páll Helgi Möller (Læknafélag Íslands, Læknafélag Reykjavíkur, 1999-03-01)
      Sjúkratilfelli: Um er að ræða sextíu og sjö ára karlmann sem var lagður inn á handlækningadeild Landspítalans sumarið 1997 með kviðverki, hita og eymsli um ofanverðan kvið. Hann hafði fyrri sögu um kviðverkjaköst sem samrýmdust gallkveisu. Ómskoðun við komu sýndi þykkveggja gallblöðru sem innihélt um 1 sm stóran stein. Gallkögun var gerð og í aðgerðinni kom gat á gallblöðruna þannig að hún tæmdist af galli. Gangur eftir aðgerð var áfallalaus og sjúklingur útskrifaðist við góða líðan á þriðja degi frá aðgerð.
    • Skyndilegur þroti í andliti og þyngslaverkur yfir brjóstkassa eftir tannviðgerð – tvö sjúkratilfelli

      Þorsteinn Viðar Viktorsson; Hildur Einarsdóttir; Elísabet Benedikz; Bjarni Torfason; Department of Surgery, Landspítali-The National University Hospital of Iceland, Iceland. steini.vidar@gmail.com (Læknafélag Íslands, Læknafélag Reykjavíkur, 2012-09)
      Although a well-known complication of dental treatment, cervicofacial subcutaneous emphysema is uncommon, especially with co-existing pneumomediastinum. This complication is usually attributed to high-speed air-driven handpieces or air-water syringes. Pneumomediastinum is usually self-limiting but potentially life threatening. We present two cases where both patients suffered from cervicofacial subcutaneous emphysema, one additionally having pneumomediastinum following routine restorative dentistry.
    • Tilfelli mánaðarins : illkynja heilaæxli [sjúkratilfelli]

      Edda Vésteinsdottir; Páll Matthíasson (Læknafélag Íslands, Læknafélag Reykjavíkur, 2008-09-01)
      Tæplega sextug kona án fyrri geðsögu leitaði á geðdeild vegna mánaðar sögu um vaxandi depurð og ofskynjanir, en hún hafði heyrt raddir sem töluðu til hennar í 3. persónu og sá ,„verur“ þar sem engar voru. Hún hafði sjálf byrjað töku þunglyndislyfsins escitaloprams (Cipralex®) nokkrum vikum áður en án árangurs. Við skoðun var konan ráðvillt í fasi, talaði lágt og hægt og virtist eiga erfitt með að finna orð. Hugsanatruflanir komu ekki fram en geðslag var lækkað og hún kvaðst vera döpur og full vanmetakenndar en hefði ekki leitt hugann að sjálfsvígi. Hún hafði átt erfitt með svefn og matarlyst var léleg. Við skoðun var hún áttuð á stað en skeikaði á degi og mánuði aðspurð. Kraftar og skyn voru eðlileg við taugaskoðun en sinaviðbrögð heldur líflegri í vinstri útlimum og hægra munnvik lyftist sjónarmun minna en það vinstra við bros. Hver er sjúkdómsgreiningin?
    • Tilfelli mánaðarins : purple urine bag syndrome; PUBS [sjúkratilfelli]

      Halla Viðarsdóttir; Runólfur Pálsson,; Tómas Guðbjartsson; Skurdlaekningasvid, hallavi@landspitali.is (Læknafélag Íslands, Læknafélag Reykjavíkur, 2008-05-01)
      Sjötugur karlmaður með tveggja ára sögu um blöðruhálskirtilskrabbamein leitar á bráðamóttöku Landspítala vegna nokkurra daga sögu um sérkennilegan lit á þvagleggspoka. Frá greiningu krabbameinsins hefur hann verið með þvaglegg vegna þrengsla í blöðruhálsi. Á mynd 1 sést þvagleggspoki mannsins við komu á bráðamóttöku og eru pokinn og slangan sem við hann er tengd greinilega fjólublá að lit. Að öðru leyti hefur hann verið einkennalaus og hefur neytt hefðbundinnar fæðu. Lyf sem hann hefur tekið undanfarið eru atenólól, nífedipín, rabeprazól, metóklópramíð, parasetamól og tramadól. Blóðrannsóknir sýna eðlilegan blóðhag, elektrólýta og kreatínín og vægt hækkað CRP (17 mg/L). Þvagrannsókn leiðir í ljós pH 6,5, 1+ prótein, 3+ blóð og 2+ hvítkornaesterasa og við smásjárskoðun sjást 50-100 rauð blóðkorn, 25-50 hvít blóðkorn og talsvert af bakteríum. Frá þvagi ræktast Morganella morganii og kóagulasa-neikvæður stafýlókokkur í miklum mæli og lítið magn af corynebacterium. Hver er sjúkdómsgreiningin og helstu mismunagreiningar?
    • Tilfelli mánaðarins : takttruflun með gleiðum QRS samstæðum [sjúkratilfelli]

      Holzknecht, Barbara J; Davið O. Arnar (Læknafélag Íslands, Læknafélag Reykjavíkur, 2008-03-01)
      Fimmtíu og fjögurra ára gamall karlmaður leitaði á heilsugæslustöð á Suðurlandi vegna brjóstverks. Verkurinn hafði komið skyndilega og var á bak við bringubein með leiðni út í vinstri handlegg. Verkurinn var í upphafi slæmur en skánaði síðan. Maðurinn fann fyrir vægri ógleði samfara verknum. Hann hafði aldrei áður fundið fyrir svipuðum einkennum og fyrir utan sögu um reykingar var fyrri saga ómarkverð. Við skoðun á heilsugæslustöðinni, tæplega tveimum klukkustundum frá upphafi einkenna, var hann nýorðinn verkjalaus og mældist blóðþrýstingur 163/84 og púls 94. Hlustun á hjarta- og lungum var eðlileg sem og önnur líkamsskoðun. Fyrsta hjartalínurit sýndi sínustakt með tíðum aukaslögum frá sleglum. Annað rit var tekið mínútu síðar (mynd 1) en sjúklingurinn var þá verkjalaus, með góða meðvitund og lífsmörk héldust eðlileg. Um hvaða takt er að ræða og við hvaða aðstæður getur hann helst sést?
    • Tilfelli mánaðarins : þvagsýrugigt [sjúkratilfelli]

      Sverrir Ingi Gunnarsson; Tómas Guðbjartsson; Arni Jón Geirsson; sverrirgunnarsson@gmail.com (Læknafélag Íslands, Læknafélag Reykjavíkur, 2008-11-01)
      67 ára gamall karlmaður leitaði á slysadeild Landspítala með þriggja daga sögu um verk og bólgu í vísifingri vinstri handar. Hann hafði sögu um kransæðasjúkdóm, hjartabilun og gáttaflökt en einnig vanstarfsemi á skjaldkirtli og vægt skerta nýrnastarfsemi. Hann tók eftirfarandi lyf; metoprólól, valsartan, spíronolaktón, hjartamagnýl, furósemíð, levóthyroxín og allopúrínól. Hann hafði áður fundið fyrir svipuðum einkennum frá stórutá á hægri fæti. Við skoðun var fingurinn bólginn (mynd 1) með hvítum skellum undir húðinni (gul ör). Stungið var á einni af skellunum og tæmdist út seigfljótandi hvítur vökvi. Smásjárskoðun á vökvanum er sýnd á mynd 2 í skautuðu ljósi. Hver er greiningin, hvað heita skellurnar og hver er besta meðferð?