• Bacteroides mjúkvefjasýking í brjóstvegg í tengslum við ristilkrabbamein [sjúkratilfelli]

      Þorvarður R. Hálfdanarson; Örn Thorstensen; Runólfur Pálsson, (Læknafélag Íslands, Læknafélag Reykjavíkur, 1998-09-01)
      Sjúkratilfelli Sjötugur karlmaður var lagður inn á lyflækningadeild Sjúkrahúss Reykjavíkur vegna hita og brjóstverkjar. Veikindi hófust tveimur dögum fyrir innlögn með kuldahrolli og 40°C hita og daginn eftir fór að bera á vaxandi verk í framanverðum brjóstkassa, neðan hægra viðbeins. Verkurinn var ótengdur öndun og var um tíma illþolanlegur. Við nánari eftirgrennslan lýsti hann vaxandi óþægindum ofan við lífbein undanfarna mánuði. Þá hafði hann lést um nokkur kílógrömm og fundið fyrir vaxandi magnleysi. Fyrri saga var einungis markverð fyrir hjartsláttartruflanir sem hann tók verapamil við. Við skoðun var sjúklingur veikindalegur. Hiti var 39,6°C, blóðþrýstingur 165/85, púls 75 slög á mínútu og öndunartíðni 18. Meðvitund var eðlileg. Eymsli voru við þreifingu á brjóstkassa neðan hægra viðbeins en þar var sérstaklega aumt svæði, um 2 cm í þvermál. Einnig þreifieymsli yfir vöðvum hægri axlar. Engin litarbreyting var sjáanleg á húð á þessum svæðum og enginn þroti var til staðar. Hlustun lungna og hjarta var eðlileg. Kviður var lítillega þaninn með vægum eymslum ofan lífbeins. Endaþarmsskoðun var eðlileg og próf fyrir blóð í saur var neikvætt.
    • Beriberi áratug eftir magahjáveituaðgerð – sjúkratilfelli

      Linda Ó. Árnadóttir; Svanur Sigurbjörnsson; Tómas Guðbjartsson; læknadeild Háskóla Íslands‚ skurðsviði Landspítala, slysa- og bráðadeild Landspítala (Læknafélag Íslands, Læknafélag Reykjavíkur, 2016-11-03)
    • Blöðrur á gallvegum – sjúkratilfelli

      Karl Kristinsson; Kristín Huld Haraldsdóttir; Páll Helgi Möller; Department of Surgery, Landspitali, Iceland (Læknafélag Íslands, Læknafélag Reykjavíkur, 2012-07)
      The clinical manifestation of a choledochal cyst is diverse and can mimic common diseases like gallstones, cholecystitis or pancreatitis. Initial diagnosis is often suspected after ultrasound of the biliary tract and confirmed with more specific studies as magnetic resonance cholangiopancreatography or endoscopic retrograde cholangiopancreatography. The risk of malignant transformation is well documented and the mainstay of therapy is excision of the choledochal cysts along with the gallbladder. Choledochal cysts are a rare phenomenon and only three cases were diagnosed in Iceland in the years 2000-2010. The following is a description of one of these cases along with an overview of the literature.
    • Brátt blóðþurrðarslag hjá unglingsstúlku - sjúkratilfelli

      Anna Stefánsdóttir; Áskell Löve; Sóley Guðrún Þráinsdóttir; Pétur Lúðvígsson; Háskóli Íslands, Röntgendeild Landspítala , Taugadeild Landspítala, Barnaspítala Hringsins (Læknafélag Íslands, Læknafélag Reykjavi­kur, 2015)
      Fimmtán ára stúlka fann fyrir skyndilegum verkjum vinstra megin í hálsi og hneig niður á knattspyrnuæfingu. Reyndist hún vera með hægri helftarlömun og tjáningarmálstol við komu á bráðamóttöku. Tölvusneiðmynd með skuggaefni vakti í fyrstu grun um flysjun í vinstri innri hálsslagæð. Einkenni bötnuðu fyrstu dagana en versnuðu svo aftur á fjórða degi og sýndi tölvusneiðmynd þá drep í heila. Æðarannsókn sýndi skert flæði á svæði vinstri miðlægrar heilaslagæðar en engin merki um flysjun eða blóðsega. Grunur vaknaði um heilkenni afturkræfs samdráttar í heilaæðum og var hafin meðferð með kalsíumgangahindrum. Hér verður fjallað um sjúkratilfellið auk yfirferðar yfir sjúkdóminn.
    • Drep í fingrum í kjölfar ísetningar slagæðaleggja - sjúkratilfelli

      Atli Steinar Valgarðsson; Sigurbergur Kárason; Elín Laxdal; Kristín Huld Haraldsdóttir; 1 Skurðlækningadeild, 2 svæfinga- og gjörgæsludeild Landspítala, 3 læknadeild Háskóla Íslands. (Læknafélag Íslands, Læknafélag Reykjavíkur, 2018-12)
      Inngangur: Notkun slagæðaleggja er algeng hjá gjörgæslusjúklingum vegna þarfar fyrir rauntímaupplýsingar um blóðþrýsting og vökva­ástand sem notaðar eru til að stýra meðferð ásamt því að vera notaðir til blóðsýnatöku. Alvarlegir fylgikvillar eru afar sjaldgæfir, en varanlegur blóðþurrðarskaði kemur fyrir hjá færri en 0,1% sjúklinga. Tilfelli: Hér er sagt frá sjúklingi í sýklasóttarlosti á gjörgæsludeild sem gekkst undir aðgerð vegna rofs á skeifugörn. Á annarri viku komu fram einkenni blóðþurrðar í öllum fingrum vinstri handar. Sjúklingurinn var fjölveikur, hafði þurft háa skammta af æðavirkum lyfjum og þurfti endurtekið að skipta um slagæðaleggi í mismunandi slagæðum, meðal annars í sveifarslagæð og ölnarslagæð vinstri handar. Beitt var blóðþynnandi meðferð sem sjúklingurinn þoldi ekki vegna blæðinga frá meltingarvegi og því dregið úr henni. Átta vikum síðar hafði afmarkast drep í öllum fingrum vinstri handar og í kjölfarið var framkvæmd aðgerð þar sem hluti af fingrum II-V voru fjarlægðir en ekki þurfti að gera aðgerð á þumli. Orsök drepsins er talin vera margþætt, meðal annars undirliggjandi ástands sjúklings, blóðsegi eða blóðþurrð í kjölfar ísetningar slagæðaleggja. Ályktun: Hér er lýst vel þekktum en mjög sjaldgæfum fylgikvilla slagæðaleggsísetningar og lögð fram tillaga að meðferðarferli sjúklinga með einkenni um blóðþurrðardrep í fingrum.
    • Ehlers-Danlos heilkenni af gerð IV. Sjúkratilfelli og sjúkdómseinkenni

      Signý Ásta Guðmundsdóttir; Páll Helgi Möller; Reynir Arngrímsson; Landspitali The National University Hospital, University of Iceland, Reykjavik, Iceland. (Læknafélag Íslands, Læknafélag Reykjavíkur, 2012-06)
      We describe Ehlers-Danlos syndrome type IV in adult patients with a confirmed diagnosis and a systematic review of expected clinical findings in the disease. Serious complications were found in four individuals, two with gastrointestinal perforation at the age of 32 years, two had died from an aortic rupture (34 and 44 years old) and one has been diagnosed with aortic root dilatation. Most had also less severe clinical features such as varicose veins, easy bruising, thin and translucent skin, chronic joint subluxation or dislocation or pes planus. None of the females had uterine rupture or premature birth. Management and surveillance options were reviewed.
    • Emetophobia: sjúklegur ótti við uppköst og ógleði

      Kolfinna Snæbjarnardóttir; Engilbert Sigurðsson; Læknadeild Háskóla Íslands, geðsvið Landspítala (Læknafélag Íslands, Læknafélag Reykjavíkur, 2014-05)
      Emetophobia, sem nefna má uppkastafælni, er áköf og órökrétt hræðsla tengd uppköstum og ógleði. Emetophobia er flokkuð sem sértæk fælni í alþjóðlegum flokkunarkerfum. Þessi kvilli er dulinn í mörgum tilfellum hjá þolendum þar sem þeir skammast sín fyrir sjúkdóminn, og hefur hann því lítið verið rannsakaður samanborið við flestar kvíðaraskanir. Fátt er því vitað um algengi uppkastafælni, meðferð og afdrif. Lýst er konu á fertugsaldri sem glímt hefur við uppkastafælni frá barnæsku, þar sem hún upplifði slæma gubbupest tvö aðfangadagskvöld í röð. Æ síðan hefur ótti við uppköst litað margt í daglegu lífi hennar. -------------------------------------------------------------------------------------------
    • Endurtekin krampaköst hjá ungri konu – sjúkratilfelli

      Guðrún Mist Gunnarsdóttir; Arna Guðmundsdóttir; Per Hellman; Peter Stålberg; 1 Landspítala, 2 háskólasjúkrahúsinu í Uppsölum, Svíþjóð (Læknafélag Íslands, Læknafélag Reykjavi­kur, 2016-07-05)
      18 ára hraust stúlka kom endurtekið á slysadeild á 6 vikna tímabili vegna krampakasta. Engin fyrri saga var um flogaveiki og hún tók engin lyf. Myndrannsóknir og heilalínurit bentu ekki til flogaveiki. Hún mældist með lækkaðan blóðsykur í tvígang á slysadeild, 1,3 mmól/L og 1,7 mmól/L (4,0-6,0 mmól/L). Vaknaði þá grunur um insúlínmyndandi æxli. Gerð var víðtæk leit að æxlisvexti sem bar engan árangur. Var hún því send erlendis í frekari uppvinnslu, meðal annars í jáeindaskanna og sérhæfða æðamyndatöku. Hún var að lokum greind með nesidioblastosis. Hér verður fjallað um sjúkratilfellið auk yfirferðar um þennan sjaldgæfa sjúkdóm og uppvinnslu á honum.
    • Erlent tónfall eftir heiladrep [sjúkratilfelli]

      María K. Jónsdóttir; Magnús Haraldsson; Þóra Sæunn Úlfsdóttir; Einar Már Valdimarsson (Læknafélag Íslands, Læknafélag Reykjavíkur, 1998-07-01)
      Þrjátíu og sjö ára gömul kona veiktist með skyndilegri taltruflun. Hún gat hvorki tjáð sig munnlega né skriflega en fannst hún skilja það sem við hana var sagt og geta hugsað það sem hún vildi segja. Daginn eftir var hún farin að tala aftur en með óeðlilegu tónfalli og áherslum. Hún var einnig þvoglumælt og hafði málfræðistol. Við skoðun tveimur dögum síðar fundust engin brottfallseinkenni utan taltruflana og tölvusneiðmynd af höfði var eðlileg. Sex vikum eftir fyrstu einkenni var konan lögð inn á endurhæfinga- og taugadeild Sjúkrahúss Reykjavíkur til ítarlegri rannsókna. Þá var tónfall tals með nokkuð sterkum erlendum hreim. Rödd var hás og rám en tónstyrkur var góður. Áherslur og lengd hljóða voru ekki í samræmi við íslenska málvenju og oft fengu öll atkvæði orða jafna áherslu. Hún kvað mjög skýrt að og í samfelldu tali varð ekki eðlilegur samruni hljóða. Henni gekk illa að breyta tónfalli í setningum eftir fyrirmælum og gekk illa að heyra mun á mismunandi tónfalli. Öll myndun stakra hljóða var þó eðlileg. Í 364 orða frásögn kom tvisvar fyrir að hún notaði eitt sérhljóð fyrir annað og einkenndi það tal hennar að nota raddað /r/ í stað óraddaðs /r/. Að auki einkenndist tal hennar af óeðlilega löngum sérhljóðum. Orðgleymska var mjög væg en að öðru leyti var mál fullkomlega eðlilegt og tal liðugt þó hún talaði fremur hægt. Engar vitsmunalegar truflanir voru til staðar. Bæði yrt og óyrt minni var eðlilegt, sjónræn úrvinnsla var góð og á óyrtu rökverkefni stóð hún sig betur en 75% samanburðarhóps. Tölvusneiðmynd af höfði, hjartalínurit og ómskoðun af hjarta voru án sjúklegra breytinga. Segulómun sýndi ummerki heiladreps ofan til á framanmiðjufellingu (gyrus pre-centralis) (mynd 1). Við ómskoðun á hálsæðum sást hvirfilstreymi og hraðaaukning á blóðstreymi í vinstri innri hálsslagæð. Hálsæðamynd sýndi stutta þrengingu á vinstri innri hálsslagæð. Þessi breyting er talin orsök segamyndunar og blóðreks til heila. Konan var sett á magnyl og fékk talþjálfun. Einkennin gengu vel til baka á næstu mánuðum og eru nú tæpast merkjanleg nema þeim sem þekkja til sögu hennar.
    • Feitt er oss enn um hjartarætur : „arrhythmogenic right ventricular dysplasia“ [sjúkratilfelli]

      Karl Andersen; Jörgen Albrechtsen; Helgi J. Ísaksson; Gizur Gottskálksson (Læknafélag Íslands, Læknafélag Reykjavíkur, 1999-02-01)
      Sjúkratilfelli- Fjörutíu og níu ára gamall maður leitaði á heilsugæslu vegna brjóstverkjar. Verkurinn kom skyndilega og án áreynslu, leiddi frá brjósti og upp í höfuð og stóð í 20 mínútur. Undanfarinn hálfan mánuð hafði sjúklingur fundið fyrir endurteknum svimaköstum án tengsla við áreynslu. Hann hafði ekki áður fundið fyrir óþægindum frá hjarta. Heilsugæslulæknir í heimabyggð tók hjartalínurit sem sýndi tíð aukaslög frá sleglum. Sjúklingurinn var því sendur á vaktspítala til nánari rannsókna og meðferðar.
    • Fyrirferð í kletthluta gagnaugabeins [sjúkratilfelli]

      Hannes Petersen; Hannes Blöndal (Læknafélag Íslands, Læknafélag Reykjavíkur, 1998-03-01)
      Saga: Fimmtugur hraustur karlmaður leitaði á göngudeild háls-, nef- og eyrnadeildar Sjúkrahúss Reykjavíkur síðsumars 1997 vegna hratt vaxandi hæsis, svima og heyrnarleysis á hægra eyra. Hæsinu fylgdi hvorki hósti né uppgangur og því síður öndunarerfiðleikar. Sviminn var kröftugur huglægur svimi (rotatory vertigo) sem kom í köstum með ógleði og uppköstum en milli svimakasta hafði sjúklingur óstöðugleikatilfinningu. Heyrnarleysinu fylgdi hella, suð og þrýstingstilfinning fyrir hægra eyra. Einkennum fjölgaði, kyngingarerfiðleikar með ónotum í hálsi fóru að gera vart við sig svo og erfiðleikar með að lyfta hægri hendi. Sjúklingur rekur upphaf einkenna sinna aftur til ársins 1993 en þá leitaði hann fyrst til læknis vegna skyndilegs heyrnartaps (sudden deafness) á hægra eyra og svima. Vandamál sjúklings var þá greint sem sjúkdómur Meniéres og meðhöndlaður með þvagræsilyfjum en við þá meðferð varð heyrnin eðlileg þó svo svimi gerði vart við sig af og til. Sjúklingurinn reykti ekki, hann hafði enga króníska sjúkdóma í helstu líffærakerfum, tók engin lyf reglulega og hafði ekkert þekkt ofnæmi.
    • Gallsteinn í kviðslitssekk [sjúkratilfelli]

      Guðrún Aspelund; Anna Björg Halldórsdóttir; Helgi J. Ísaksson; Páll Helgi Möller (Læknafélag Íslands, Læknafélag Reykjavíkur, 1999-03-01)
      Sjúkratilfelli: Um er að ræða sextíu og sjö ára karlmann sem var lagður inn á handlækningadeild Landspítalans sumarið 1997 með kviðverki, hita og eymsli um ofanverðan kvið. Hann hafði fyrri sögu um kviðverkjaköst sem samrýmdust gallkveisu. Ómskoðun við komu sýndi þykkveggja gallblöðru sem innihélt um 1 sm stóran stein. Gallkögun var gerð og í aðgerðinni kom gat á gallblöðruna þannig að hún tæmdist af galli. Gangur eftir aðgerð var áfallalaus og sjúklingur útskrifaðist við góða líðan á þriðja degi frá aðgerð.
    • Góðkynja meinvarpandi sléttvöðvaæxli [sjúkratilfelli]

      Andri Konráðsson; Helgi J. Ísaksson; Bjarni Torfason; Helgi Sigurðsson (Læknafélag Íslands, Læknafélag Reykjavíkur, 2000-03-01)
      Fimmtíu og tveggja ára kona leitaði til læknis í janúar 1998 vegna hita og hósta. Hún var talin vera með lungnabólgu og meðhöndluð með sýklalyfjum. Einkennin hurfu en á röntgenmynd af lungum sem tekin var sem hluti af eftirliti sást stakur hnútur í vinstra lunga (mynd 1). Tekin var tölvusneiðmynd af brjóstholi sem sýndi marga litla hnúta dreifða um bæði lungu og voru þeir stærstu allt að 1,5 sm að stærð (mynd 2). Ómskoðun af lifur, beinaskann, brjóstamyndataka og kvenskoðun leiddu ekki í ljós neinar meinsemdir sem líktust æxlum. Einn hnútanna í hægra lunga þótti liggja vel við ástungu gegnum brjóstvegg og var það reynt tvívegis án þess að nægilegur vefur fengist til greiningar. Í heilsufarssögu sjúklings kemur fram vanstarfsemi á skjaldkirtli og nýrnahettum og tekur sjúklingur að staðaldri hormónalyf til uppbótar vegna þess. Sjúklingur hefur einnig sögu um krampa sem unglingur en ekki hefur borið á þeim í yfir 30 ár. Árið 1982 greindist sjúklingur með æxli í munnvatnskirtli, það var fjarlægt og reyndist vera vel þroskað slímþekjukrabbamein. Ekki hefur borið á endurvexti æxlisins eða meinvörpum fram að þessu. Leg konunnar (en ekki eggjastokkar) var fjarlægt 1986 vegna stækkunar. Við vefjaskoðun komu í ljós fjölmargir sléttvöðvahnútar.
    • Heilkenni Gardners [sjúkratilfelli]

      Guðrún Aspelund; Tómas Jónsson; Jón Gunnlaugur Jónasson; Hallgrímur Guðjónsson (Læknafélag Íslands, Læknafélag Reykjavíkur, 1998-12-01)
      Saga: Árið 1991 fékk 25 ára gömul kona framfall á ristilsepa gegnum endaþarmsop skömmu fyrir fæðingu sins fyrsta barns. Him hafði ekki önnur einkenni frá meltingarfærum. Ekki var saga um ristilsepa í fjölskyldu en sjúklingur átti foreldra og sex yngri hálfsystkini á lífi. Í heilsufarssögu var helst íhugunarefni að 1984, þegar sjúklingur var 17 ára, var fjarlægður fjöldi tannhnúta (odontoma), sem hindruðu uppkomu fullorðinstanna úr efri og neðri kjálka sjúklings (mynd 1). Skoðun: Við skoðun 1991 var sjúklingur of feitur, þungunarrákir (striae gravidarum) á kviði en kviðskoðun annars neikvæð. Kríueggsstór harður hnútur þreifaðist á hnakka. Einnig þreifaðist hnúður á lendhrygg og öðru handarbaki. Rannsóknir: Almenn blóðpróf voru eðlileg. Gerð var 50 cm long ristilspeglun sem sýndi sepager (polyposis) eins langt og skoðað var. Separnir voru 1 mm til 4 cm í þvermál, flestir og stærstir í endaþarmi og þeir stærstu virtust vera á stuttum stilk. Tekin voru fjölmörg vefja-sýni sem sýndu sepa af kirtilfrumugerð. Speglun efri hluta meltingarvegar sýndi fjóra litla flata sepa í hellis- (antrum) hluta maga og óteljandi flata sepa í skeifugörn, 1-8 mm að stærð. . Þessir separ voru einnig af kirtilfrumugerð með vægri atýpíu. Engar illkynja breytingar fundust. Röntgenrannsókn af smágirni var eðlileg. Röntgenmynd af höfuðkúpu sýndi beingadd (exostosis) út úr hnakkabeini. Kjálkasneiðmynd (orthopanotomogram) sýndi kalkskellur undir tannrótum augntanna en engar aukatennur. Röntgenmyndir af öllum útlimabeinum og hrygg voru eðlilegar.
    • Hjartastopp hjá unglingsstúlku – sjúkratilfelli

      Valentínus Þ. Valdimarsson; Girish Hirlekar; Oddur Ólafsson; Gylfi Óskarsson; Hróðmar Helgason; Sigurður E. Sigurðsson; Hildur Tómasdóttir; Kristján Eyjólfsson; Tómas Guðbjartsson; Department of Anesthesia and Intensive Care, Landspitali University Hospital (Læknafélag Íslands, Læknafélag Reykjavíkur, 2012-12)
      Cardiac arrest is rarely seen in children and teenagers. We present a 12-year old girl with cardiac arrest following myocardial infarction, that required prolonged cardiac massage and extracorporeal-membranous-oxygenation (ECMO). At coronary angiography the left main coronary artery (LMCA) was stented for a suspected coronary dissection. The contraction of the heart improved and the ECMO-treatment was discontinued a week later. The patient was discharged home, but six months later a coronary artery bypass surgery was performed for in-stent restenosis. Further work-up with computed tomography (CT) showed that the LMCA originated from the right aortic sinus instead of the the left one. This case demonstrates how life threatening myocardial infarction can be caused by coronary artery anomalies.
    • Kalkkirtlablaðra í miðmæti – sjúkratilfelli

      Anna Höskuldsdóttir,; Höskuldur Kristvinsson,; Hallgrímur Guðjónsson; Arnar Geirsson; Tómas Guðbjartsson; Landspítali, hjarta- og lungnaskurðdeild, Landspítali, almennri skurðlækningadeild, landspítali, meltingarlækningadeild (Læknafélag Íslands, Læknafélag Reykjavíkur, 2014-09)
      Algengustu fyrirferðir í framanverðu miðmæti eru góðkynja æxli í hóstarkirtli en illkynja fyrirferðir eru líka vel þekktar. Hér er lýst tæplega sextugri konu með vaxandi kyngingaróþægindi og fyrirferð á hálsi. Tölvusneiðmyndir sýndu tæplega 6 cm stóra vel afmarkaða vökvafyllta blöðru ofarlega í framanverðu miðmæti. Blaðran var fjarlægð með skurðaðgerð og reyndist vera góðkynja kalkkirtlablaðra. Kyngingareinkenni hurfu en mælingar á kalkvaka og kalsíum í sermi bæði fyrir og eftir aðgerð voru eðlilegar. Kalkkirtlablöðrur í miðmæti eru afar sjaldgæfar en innan við 100 tilfellum hefur verið lýst í heiminum. Lýst er fyrsta íslenska tilfellinu.____________________________________
    • Karlmaður með lækkað natríum, slappleika og megrun vegna æxlis í heiladingli

      Guðni Arnar Guðnason; Sigríður Þórdís Valtýsdóttir; Trausti Valdimarsson; Stefán Þorvaldsson; Þorvaldur Magnússon; Heilbrigðisstofnun Vesturlands, Akranesi. (Læknafélag Íslands, Læknafélag Reykjavíkur, 2012-04)
      A 78 year-old male was admitted for rehabilitation after a trans-tibial amputation three months earlier. Scheduled training with a prosthetic leg was postponed due to muscle atrophy and weakness. As the patient's status deteriorated, blood results showed worsening hyponatremia.Work-up revealed pituitary insufficiency caused by a pituitary mass. The patient's general health improved greatly and the hyponatremia corrected after hormonal replacement therapy with Hydrocortisone, Thyroxin and Testosterone was initiated.
    • Karlmaður með þrota í andliti og mæði [sjúkratilfelli]

      Gunnarsson, Sverrir I; Hannesson, Pétur H; Gudbjartsson, Tómas; sverrirgunnarsson@gmail.com (Læknafélag Íslands, Læknafélag Reykjavíkur, 2010-02-01)
      91 árs áður hraustur karlmaður leitaði á heilsugæslu utan höfuðborgarsvæðisins vegna fjögurra daga sögu um vaxandi mæði og þrota í andliti. Hann tók engin lyf að staðaldri og hafði ekki þekkt ofnæmi. Nokkrum dögum áður hafði hann hlotið áverka á vinstri síðu við fall. Við skoðun var öndun hröð og andlit greinilega þrútið (mynd 1). Vegna gruns um ofnæmislost var manninum gefið adrenalín og bólgueyðandi sterar í æð. Honum versnaði enn frekar eftir lyfjagjöfina og var því fluttur með sjúkrabíl á Landspítala þar sem gerðar voru frekari rannsóknir, meðal annars myndrannsóknir af lungum (mynd 2). Hver er greiningin, helstu mismunagreiningar og meðferð?
    • Kona á níræðisaldri með mæði og surg við öndun

      Sigríður María Kristinsdóttir; Elín Maríusdóttir; Jón Gunnlaugur Jónasson; Einar Steingrímsson; Tómas Guðbjartsson; 1 Læknadeild Háskóla Íslands, 2 hjarta- og lungnaskurðdeild, 3 meinafræðideild Landspítala, 4 Læknisfræðilegri myndgreiningu. (Læknafélag Íslands, Læknafélag Reykjavi­kur, 2015-10)
    • Mannbjörg á Möðrudal á Fjöllum

      Þórir Svavar Sigmundsson; Bjarni Árnason; Þóra Elísabet Kristjánsdóttir; Vilhjálmur Vernharðsson; Department of Anaesthesia and Critical Care, Karolinska University Hospital, Soina (Læknafélag Íslands, Læknafélag Reykjavíkur, 2012-05)
      A 27 year old woman suffered a witnessed cardiac arrest in rural Iceland and regained pulse after one hour's resuscitation. She was transported by an air ambulance to a tertiary medical center in Reykjavik where she was diagnosed with a large pulmonary embolus. After 24 hours therapeutic hypothermia she was rewarmed and extubated two days later. She was discharged from the hospital after two weeks neurologically intact. This case illustrates that even in rural circumstances the chain of survival works if all the links are strong, with early access, early resuscitation and early advanced care.