Mælingar á magni alnæmisveiru í plasma HIV smitaðra á Íslandi

Abstract

Markmið: Annars vegar að mæla HIV-1 (human immunodeficiency virus) RNA í plasma HIV sýktra einstaklinga á Íslandi og hins vegar að meta áhrif nýrra lyfjasamsetninga á magn veiru í plasma og fjölda CD4+ frumna í blóði. Aðferðir: Fylgst var með öllum HIV sýktum einstaklingum sem sýni bárust frá á tímabilinu September 1995 til nóvember 1996. Blóð var dregið til mælinga á RNA í plasma og oftast einnig talningar á CD4+ frumum á þriggja til sex mánaða fresti nema þegar lyfjameðferð var breytt, en þá voru sýni mæld fyrir breytingu, þremur til fjórum vikum síðar og á þriggja til sex mánaða fresti í kjölfarið. Magn veiru í plasma var ákvarðað með Amplicor HIV Monitor™ prófi frá Roche. Fjöldi CD4+ frumna var greindur með flúrljómandi mótefnamerkingu og talningu í flæðifrumusjá. Niðurstöður: Fylgst var með 44 sjúklingum. Upphafsgildi RNA var frá 2,6 logio til 6,13 logio; að meðaltali 5,02 log. Fjöldi CD4+ frumna var á bilinu 2-641 fruma/mm3; að meðaltali 230 frumur/mm3. Ellefu einstaklingar höfðu ekki verið meðhöndlaðir með HIV bælandi lyfjum og greindust með fleiri en 10.000 veirueintök í mL plasma. Meðferð var breytt hjá 25 sjúklingum. Breyting veirumagns hjá öllum hópnum fyrir og eftir meðferð var allt frá 0,7 log aukningu (+0,7 log) niður í 2,88 log lækkun (-2,88), sem er að meðaltali minnkun um 0,9 log. Breyting á fjölda CD4+ frumna spannaði fækkun um 195 frumur/mm3 í aukn¬ingu um 143 frumur/mm3. Meðaltalið var aukn-ing um 6,9 frumur/mm3. Hjá 11 sjúklingum sem meðhöndlaðir voru með tveimur bakritahemlum var sakvínavír, próteasahemli, bætt við meðferðina. Breyting á veirumagni spann-aði frá +0,7 til -0,78 log og meðaltalið var -0,23 log. Sex sjúklingar voru meðhöndlaðir með einum bakritahemli. Sakvínavír og öðrum bakritahemli var bætt við þá meðferð. Breyting veirumagns var frá +0,24 log í -2,26 log; meðaltal -0,65 log. Fjórir einstaklingar höfðu ekki verið meðhöndlaðir áður. Hafin var meðferð með tveimur bakritahemlum og sakvínavír. Magn veiru lækkaði frá -1,8 til -2,67 log; meðaltalið var -2,37 log. Ályktanir: 1. RNA gildi HIV sýktra spönnuðu allt svið mælingaraðferðarinnar. 2. Breytingar veirumagns í kjölfar breytinga á meðferð voru töluvert einstaklingsbundnar. 3. Ekki mældist marktæk lækkun veiru þegar sakvínavír einu sér var bætt við tvo bakritahemla. 4. Veirumagn í blóði sjúklinga sem ekki höfðu fengið meðferð áður lækkaði að meðaltali rúmlega hundraðfalt í kjölfar meðferðar með sakvínavír og tveimur bakritahemlum.