Njálgssýkingar í leikskólabörnum í Reykjavík og Kópavogi

Abstract

Tilgangur: Markmið rannsóknarinnar var að kanna tíðni njálgssýkinga í börnum í nokkrum leikskólum í Reykjavik og Kópavogi. Efniviður og aðferðir: í nóvember og desember 1992 var leitað með svonefndri límbandsaðferð að ummerkjum um njálg í 184 af 526 börnum á níu leikskólum í Reykjavik og í Kópavogi. Leikskólakennarar og foreldrar voru jafnframt spurðir um njálgssýkingar í börnunum undanfarna sex mánuði. Niðurstöður: Ellefu af þeim 184 börnum sem voru rannsökuð greindust með njálg (6%). Sýking greindist aðallega í börnum á fimmta (13,2%, n=53) og sjötta (7,1%, n=42) ári. Ekkert þriggja ára barn fannst smitað (n=44) og einungis eitt tveggja ára barn greindist með njálg (2,2%, n=45). Fjórtán (4,1%) börn af 342 börnum á leikskólunum sem ekki voru rannsökuð höfðu sögu um njálgssýkingu undanfarna sex mánuði. Umræða: Niðurstöðturnar benda til þess að njálgssýkingar séu sjaldgæfar í tveggja og þriggja ára börnum hér á landi. Aftur á móti virðist sem að minnsta kosti 10. hvert barn sem komið er á fimmta og sjötta ár sé með njálg. Foreldrar og starfsfólk leikskólanna voru yfirleitt grunlaus um að þessi börn væru smituð.