Hormónameðferð kvenna á Íslandi

Abstract

Inngangur: Tilgangur þessarar rannsóknar var að athuga notkun hormónauppbótarmeðferðar hjá íslenskum konum á tímabilinu 1979-1995. Efniviður og aðferöir: Notuð voru svör við spurningum sem lagðar voru fyrir konur sem komu í krabbameinsleit hjá Leitarstöð Krabbameinsfélags Íslands á tímabilinu. Þær eru stór hluti íslenskra kvenna eða yfir 95% í þeim aldurshópum sem voru athugaðir. Niðurstöður: Notkun varð algengari með hverjum nýjum og yngri fæðingarhópi og í yngsta fæðingarhópnum höfðu 52% notað hormón. Notkun var tíðust hjá 50-55 ára konum og 50% þeirra notuðu hormón við komu í Leitarstöð árið 1995 sem er 5,7 föld aukning frá 1986 (p<0,001). Meðal kvenna sem einhvern tímann höfðu notað hormón höfðu 52% notaö þau í eitt ár eða skemur á árunum 1979-1989 en 41% á árunum 1990-1995 (p<0,001). Á síðarnefnda tímabilinu höfðu 27% notað hormón lengur en í fimm ár. Jákvæð fylgni var milli reykinga og hormónanotkunar (p<0,001). Ályktun: Notkun hormónauppbótarmeðferðar er útbreidd meðal íslenskra kvenna og hefur aukist jafnt og þétt á tímabilinu 1979— 1995.