Berklar hjá innflytjendum á Íslandi

Abstract

Tilgangur: Tilgangur rannsóknar var að finna nýgengi berkla meöal innflytjenda á Íslandi. Efniviður og aðferðir: Efniviður var annars vegar sóttur í berklaskrá og hins vegar í skrá Útlendingaeftirlitsins um þá sem sóttu um dvalarleyfi árið 1995. Niðurstöður: Á árunum 1975-1996 greindust 468 berklatilfelli á Íslandi, þar af 32 berklatilfelli meðal innflytjenda. Hlutfall innflytjenda meðal berklaveikra jókst marktækt á tímabilinu (p<0,001). Nýgengi berklaveiki meðal innflytjenda var 18,0 á 22 árum en meðal innfæddra Íslendinga 8,4 (p<0,001). Nýgengi meðal innflytjenda frá Asíu var 173,7 eða 21 sinnum hærra en meðal innfæddra Íslendinga (p<0,001) en þar á eftir komu innflytjendur frá ríkjum Ameríku með nýgengi 18,8. Berklaveiki kom venjulega fram innan fimm ára frá komu til landsins. Árið 1995 framvísuðu 559 manns sem sóttu um dvalarleyfi læknisvottorði. Af þeim fór rúmur fjórðungur (26,2%) hvorki í berklapróf né lungnamynd. Af 363 berklaprófuðum umsækjendum um dvalarleyfi voru 42% jákvæðir. Samsvarandi tölur fyrir fólk frá Afríku voru 68%, Asíu 58% og Austur-Evrópu 50%. Flestir jákvæðra fóru í lungnamynd en einnig 23% neikvæðra. Aðeins 33% jákvæðra fengu meðferð til að uppræta sýkingu og tóku 88% þeirra lyf í að minnsta kosti sex mánuöi. Ályktun: Berklapróf ætti að vera ófrávíkjanlegur hluti af heilbrigðisskoðun innflytjenda ásamt lungnamynd þegar hún á við. Það ætti aö veita meðferð gegn berklasmitun oftar en gert er í dag.