Notkun geislavirkra 198Au korna og ytri geislunar í meðferð óskurðtækra lungnakrabbameina

Abstract

Tilgangur: Í þessari rannsókn voru könnuð áhrif þess að nota saman geislavirk 198Au korn og ytri geislun á lifun og lífsgæöi sjúklinga með lungnakrabbamein önnur en smáfrumukrabbamein í samanburði við meðferð með ytri geislun eingöngu. Efniviður og aðferðir: Sjúklingum með lungnakrabbamein önnur en smáfrumukrabbamein sem voru óskurðtæk vegna útbreiðslu innan brjóstkassa eða annarra almennra frábendinga var á slembaðan hátt skipt í tvo hópa. Annar hópurinn (hópur A) fékk meðferð með 198Au kornum og síðan ytri geislun, allt að 60 Gy, en hinn hópurinn (hópur B) fékk ytri geislun eingöngu. Þörf fyrir sjúkrahúsvist var notuð til þess að endurspegla lífsgæði. Niðurstöður: Það var enginn munur á aldri eða lífsgæðastuðli við upphaf rannsóknarinnar. Fimm af 10 sjúklingum í hópi A höfðu flöguþekjukrabbamein og fimm af átta sjúklingum í hópi B. Meðalskammtur ytri geislunar var 46,6±4,0 Gy í hópi A og 54,8±2,8 Gy í hópi B (NS). Miðgildi lifunar sjúklinga í hópi A var 29 vikur en 30 vikur í hópi B. Sjúklingar í hópi A dvöldust að meðaltali 7,4±2,8 vikur á spítala en sjúklingar í hópi B dvöldust 18,5±9,0 vikur á spítala. Þessi munur var ekki staðtölulega marktækur (p=0,21). Ályktanir: Við ályktum að viöbót hefðbundinnar geislameðferðar með 198Au kornum bætti ekki marktækt árangur hefðbundinnar geislameðferðar í þessari slembuðu rannsókn á sjúklingum með óskurðtæk lungnakrabbamein önnur en smáfrumukrabbamein.