Ristilloftblöðrur : sjúkratilfelli á fæðingardeild Fjórðungssjúkrahússins á Akureyri

Abstract

Þrjátíu og sex ára gömul kona, gengin rúmlega 41 viku kom á fæðingardeild Fjórðungssjúkrahússins á Akureyri með hríðarverki. Fæðing gekk hægt og þurfti að framkvæma keisaraskurð. Þremur dögum síðar fékk konan kviðverki og mikinn vindgang. Hiti mældist 39°C. Röntgenmynd af kvið vakti grun um garnastíflu og var því gerður kviðarholsskurður og bólginn botnlangi fjarlægður. Eftir það hafði konan mikinn niðurgang. Ristilspeglun sýndi loftfylltar blöðrur í fall- og bugaristli. Konunni var gefið 70% súrefni á maska og hurfu blöðrurnar á tveimur vikum. Ristilloftblöðrur (pneumatosis coli) er sjaldgæfur góðkynja sjúkdómur, sem einkennist af blöðrum í hálubeði og slímubeöi ristils. Orsök er óþekkt en sjúkdómurinn hefur verið tengdur ýmsum meltingarfærasjúkdómum, kviðaraðgerðum og lungnasjúkdómum. Meingerðin er einnig óþekkt en þrjár kenningar hafa verið settar fram. Einkenni erir kviðverkir, niðurgangur, vindgangur og blæðing frá ristli. Greining fæst með röntgenmynd, tölvusneiðmynd eða ristilspeglun. Meðferðin er háskammtasúrefnisgjöf í eina til tvær vikur en stundum er skurðaðgerð nauðsynleg. Horfur eru góðar en viss hætta er á endurtekningu.