Hjartaskurðaðgerðir á börnum á Íslandi 1990-1995

Abstract

Á síðastliðnum 30 árum hafa íslensk börn með alvarlega meðfædda hjartagalla gengist undir hjartaskurðaðgerðir erlendis. Á árinu 1990 var fyrst framkvæmd aðgerð á kornabarni sem ella hefði þurft að fara til aðgerðar erlendis. Þessi grein lýsir fyrstu reynslu okkar af hjartaskurðaðgerðum vegna hjartagalla hér á Íslandi. Það voru 26 sjúklingar sem gengust undir 28 aðgerðir, aldur sjúklinganna var frá þremur dögum til 18 ára, miðtala 10 mánuðir. Fjórtán sjúklingar höfðu meginæðarþrengingu (coarctatio aortae), fjórir sjúklingar með flókna hjartagalla gengust undir lungnablóðveituaðgerð, og fjórir sjúklingar gengust undir aðrar aðgerðir. Þrjátíu daga dánartölur voru 3,8% (einn sjúklingur með flókinnmjartagalla lést eftir lungnablóðveituaðgerð). Þá var eitt síðkomið dauðsfall vegna áframhaldandi hjartabilunar þrátt fyrir árangursríka skurðaðgerð. Kostnaðarhugmyndir um frekari hjartaskurðaðgerðir eru einnig settar fram í greininni. Við ályktum að árangurinn sé góður og sambærilegur við það sem gerist erlendis. Það er því vel ásættanlegt að halda þessu starfi áfram og framkvæma fleiri aðgerðir hérlendis enda kostnaður minni en erlendis.