Tíðni svipgerða α1-andtrýpsíns meðal Íslendinga

Abstract

Arfgengur α1-arandtrýpsínskortur er vel þekktur áhættuþáttur fyrir lungnaþembu. Þó að helstu genaafbrigðin sem valda skortinum, það er samsæturnar S og Z, séu tiltölulega algengar meðal þjóða af norrænu kyni, hefur α1-arandtrýpsínskortur aldrei greinst hér á landi. Tilgangur rannsóknarinnar var að athuga hvort genaafbrigði α1-andtrýpsínskorts væri að finna meðal Íslendinga. Svipgerð α1-arandtrýpsíns var ákvörðuð með rafhvarfsmiðun hjá 511 óskyldum einstaklingum. Allar helstu svipgerðirnar fundust í þýðinu. Reiknuð samsætutíðni þeirra var: M = 0,946; F = 0,006; S = 0,037; og Z = 0,011. Niðurstöður rannsóknarinnar sýna að þær gerðir samsætna sem valda α1-arandtrýpsínskorti eru til staðar á Íslandi, en tíðni þeirra er nokkuð lægri en í öðrum norrænum þýðum. Niðurstööurnar benda einnig til vangreiningar á α1-andtrýpsínskorti hér á landi.