Augnslys á börnum

Abstract

Tilgangur þessarar rannsóknar var að athuga tíðni og eðli alvarlegra augnslysa á börnum á Íslandi. Gerð var aftursæ rannsókn. Farið var yfir sjúkraskrár barna er lögðust inn á Landakotsspítala vegna augnslysa á 10 ára tímabili, frá janúar 1984 til desember 1993. Alls voru 133 börn lögð inn á Landakotsspítala vegna augnslysa á árunum 1984-1993, 109 drengir (82%) og 24 stúlkur (18%). Hópunum var skipt niður í fjögur aldursbil. Augnslysum fækkaði í öllum aldurshópum nema þeim yngsta. Augnmar (contusio oculi) var algengasta greiningin (51%) síðan kom gat á auga (perforatio oculi) (26%), áverki á augnlok (14%) og minniháttar augnáverkar (8%). Langflest slysanna urðu við leiki. Athygli vakti að af þeim er hlutu augnmar hafði stór hluti fengiö það af völdum skota úr túttubyssum. Forhólfsblæðingar voru 58. Af þeim fengu fimm börn endurblæðingu. Borin voru saman tvö fimm ára tímabil. Augnslys voru mun fleiri á fyrra tímabilinu en því síðara, 84 börn (63%) fengu augnáverka á árunum 1984-1988 en aðeins 49 börn (37%) á síðara tímabilinu 1989-1993. Ályktun: Augnslysum barna hefur fækkað í heild en fjölgað í yngsta aldurshópnum.