Nýrnasteintökur um húð

Abstract

Gerð er örstutt grein fyrir sögulegri þróun aðgerða við nýrnasteinum allt til okkar daga. Skoðaðir voru allir sjúklingar sem gengust undir steintöku um húð (percutaneous nephrolithotomy, PCNL) á Borgarspítalanum á árunum 1985-1993. Aðferðinni er lýst og rætt um notagildi hliðstæðrar tækni viö aðra sjúkdóma. Níutíu og tveir sjúklingar fóru í samtals 112 nýrnasteinatökur um húð. Árangur varð sá að í 87,5% tilvika losnuðu sjúklingar við steina eða höfðu steinleifar minni en 4 mm eftir eina aðgerð. Eftir endurteknar aðgerðir losnuðu 90,2% sjúklinganna við steina eða steinleifar voru 4 mm eða minni og er það svipaður árangur og í sambærilegum erlendum rannsóknum og telst viðunandi. Engir alvarlegir fylgikvillar komu fram og enginn sjúklinganna þurfti að fara í opna aðgerð vegna fylgikvilla. Sjúklingarnir þoldu aðgerðina vel og útskrifuðust venjulega tveimur til þremur dögum eftir aðgerð, vinnufærir.