Blóðrauðastyrkur hjá eldra fólki sem leitar læknis á stofu : gagnstæðar breytingar í konum og körlum

Abstract

Eldra fólki er hætt við blóðrauðaskorti (anaemia) af óþekktum ástæðum og hefur karlmönnum verið hættara við því en konum. Til að kanna þetta nánar höfum við rannsakað gagnabanka á almennri rannsóknarstofu í efna- og blóðmeinafræði, sem hafði að geyma færslur frá 16.330 manns, og bárum saman blóðrauðastyrk (haemoglobin concentration) kynjanna. Í karlmönnum byrjaði meðalstyrkur blóðrauðans að lækka um sextugt og féll úr 151g/l í 138g/l hjá áttræðum körlum og eldri. Í konum, aftur á móti, hækkaði blóðrauðastyrkurinn úr 134g/l hjá konum á fimmtugsaldri í 137g/l hjá konum á sjötugsaldri en þá byrjaði hann að falla lítið eitt. Staðtölulegir útreikningar (multiple regression analysis) á breytum sem líklegar voru til þess að hafa áhrif á blóðrauðastyrk bentu til þess að af 13g lækkun sem fundist hafði í eldri körlum væri aðeins hægt að útskýra 6,7g/l sem tilviljun og að í konum héldist hækkun blóðrauðastyrks fram yfir áttrætt. Niðurstöðurnar gefa til kynna að kyn eða þættir háðir kyni hafi áhrif á blóðrauðastyrk í eldra fólki.