Afdrif sjúklinga eftir aðsvif

Abstract

Hjá 111 sjúklingum með aðsvif, er rannsakaðir voru framvirkt á árunum 1985-1986, voru dánartíðni og endurtekið aðsvif skráð. Haft var samband við sjúklinga símleiðis, bréflega og einnig stuðst við dánarvottorð og sjúkraskrár. Af 111 sjúklingum dóu 21 (18,9%) á tímabilinu. Hjá þeim 90 er eftir lifðu fengust fullnægjandi upplýsingar hjá 81. Enduryfirlið kom fyrir hjá 20 sjúklingum og sjúkdómsgreining reyndist sama og sú upphaflega hjá 14 þeirra. Af 11 sjúklingum með hjarta- og æðasjúkdóma dóu fjórir. Búast hefði mátt við að 5,5% dæju en þeir reyndust 36,4% (p<0,001). Það sama varð uppi á teningnum meðal þeirra er leið yfir vegna blóðþrýstingsfalls (orthostatisma) (5,5% vs. 34,8%, p<0,001). Heildardánartíðni í þýðinu var 21 en búast hefði mátt við fjórum dánum miðað við staðaldánartíðni Norðurlandabúa p<0,001). Þetta staðfestir að horfur sjúklinga með yfirlið geta verið slæmar. Í nýrri rannsókn á yfirliðum og yfirliðakennd 1988-1989 kemur í ljós að hjarta- og æðasjúkdómar eru orsök yfirliöakenndar í 28% tilfella. Við leggjum því áherslu á að greina sjúklinga með yfirlið og yfirliðakennd, þannig að viðeigandi meðferð sé beitt í þeim tilgangi aö bæta lífslíkur sjúklinganna.