Miðtaugarþvingun í úlnliðsgöngum : athugun á 383 sjúklingum með einkenni í 557 höndum

Abstract

Tilgangur rannsóknarinnar er að skilgreina kvartanir og einkenni fólks með miðtaugarþvingun í úlnliðsgöngum (carpal tunnel syndrome: CTS), sjúkdómsgreint og meðhöndlað á læknastofu í Reykjavik. Um er að ræða 383 einstaklinga með einkenni í 557 höndum. Fólk á aldrinum 20-39 ára leitaði sér aðstoðar fyrr en aðrir í þessari rannsókn og samanborið við aðrar rannsóknir er þessi aldurshópur fjölmennari hjá okkur. Kvillinn fannst í báðum höndum hjá 45,5% sjúklinga. Ríkjandi hönd var oftar með miðtaugarþvingun í úlnliðsgöngum, eða með verri einkenni, og taugarfergið greindist oftar hjá einstaklingum í starfsstéttum þar sem álag á hendur er mikiö. Kvartað var um dofa og/eða pínudofa í 97,5% handa og var hann í öllum fingrum í 69% tilvika. Skynskoðun var óeðlileg í 63% handa og af þeim í sérkennandi miðtaugarskyndreifingu í aðeins 44% tilvika. Verkur var í 72% handa og af þeim í yfir 50% tilvika einnig utan handarsvæðis, það er að segja „nærverkur" (proximal pain). Áttatíu og átta present sjúklinga vöknuðu að næturlagi eða snemma morguns með verri einkenni og margir höfðu þau aðeins þá. Erfitt er að lýsa dæmigerðri staðsetningu einkenna hjá sjúklingum með miðtaugarfergi í úlnliðsgöngum.