Reyklausir Ríkisspítalar : viðhorf til reykinga meðal sjúklinga og deildarhjúkrunarfræðinga

Abstract

Í könnun á reykingavenjum sjúklinga og starfsfólks sjúkradeilda á Ríkisspítölum í ágúst 1991 kom í ljós að ef aðspurðir reyktu ekki sjálfir töldu 23-24% að sjúklingar reyktu inni á sjúkrahúsunum en ef aðspurðir reyktu sjálfir var talan 36-37%. Hjá 63% þeirra sem reyktu en hjá 78% þeirra sem ekki reyktu kom fram stuðningur við reykingabann á Ríkisspítölum. Að reykingabann hefði verið til bóta töldu 44% reykingamanna, en 71% þeirra sem ekki reyktu. Aðspurðir um þrjá valkosti: Óbreytt ástand; strangari reglur; að komið skyldi upp lágmarksaðstöðu til reykinga, völdu 81% reykingamanna en 53% þeirra sjúklinga sem ekki reyktu þriðja kostinn.