Eigið færnimat íslenskra iktsýkisjúklinga

Abstract

Á síðustu árum hafa komið fram nokkrir spurningalistar sem reynst hafa gagnlegir við mat á færni gigtsjúkra. Mestri útbreiðslu hefur náð »Stanford Health Assessment Questionnaire« (HAQ), en sá spurningalisti virðist gefa góða mynd af þeirri skerðingu á færni, sem gigtarsjúklingar glíma við (1). Nauðsynlegt hefur reynst að breyta orðalagi spurningalistans lítillega við þýðingu á önnur tungumál (2-4). Tilgangur þessarar rannsóknar var í fyrsta lagi sá að þýða HAQ-spurningarnar á íslensku og kanna hvort íslenskir sjúklingar gætu svarað þeim. Í öðru lagi að kanna hvort HAQ-færnismatið sýni raunverulega færni sjúklinga með hlutlægu mati iðjuþjálfa, og að skoða niðurstöðurnar með tilliti til virkni sjúkdóms, aldurs og sjúkdómstíma.