Greindarpróf Wechslers fyrir forskólabörn : réttmætisathugun

Abstract

Íslensk þýðing greindarprófs Wechslers fyrir forskólabörn var lögð fyrir 70 fjögurra ára gömul börn. Áreiðanleiki 10 undirprófa reyndist á bilinu 0,40 til 0,77. Áreiðanleiki tveggja prófhluta og heildartölu greindar var á bilinu 0,83 til 0,91. Með tveimur undantekningum (Almenn þekking og Völundarhús) viku meðaltöl allra undirprófa frá 10 sem er meðaltal bandarískra aldursviðmiða. Sjö undirprófanna mældu of hátt en eitt of lágt (Orðskilningur). Heildartala greindar og heildartölur mállegs og verklegs hluta prófsins reyndust marktækt hærri en 100. Við þáttagreiningu undirprófanna komu fram tveir þættir sem skýra rúmlega 40% af heildardreifingu undirprófanna tíu. Annar þátturinn er mállegur en hinn verklegur.