Tengsl hagnýtingar og vísinda í starfi sálfræðinga

Abstract

Vísindi og rannsóknir gegna mikilvægu hlutverki í daglegu starfi sálfræðinga. Hér er kennt að dagleg verk fagmanna geti ekki öll verið vísindaleg eða byggð á rannsóknarniðurstöðum en að ekki sé þar með sagt að rannsóknir séu óraunhæf undirstaða faglegra verka eða að hvað sem er geti þar orðið leyfilegt í nafni innsæis og reynslu. Bent er á að aðild vísinda að fagmennsku sé margbrotin og ekki bundin við einfalda reglu eða aðferð og að þekkingargrunnur, rannsóknaniðurstöður, kenningar og aðferðir vísinda verði allt að tengjast daglegu starfi fagmanna. Minnt er á að skilningur á óvissu er óhjákvæmilegur þáttur í vísindalegri hugsun þannig að vitneskja um það hvernig hlutirnir eru ekki er iðulega mikilvægt framlag fagmanna í öllum greinum. Lagt er til að í faglegri þjálfun í sálfræði sé lögð áhersla á raunhæfan skilning á mikilvægi og gagnsemi vísinda en að gagnsemi verði þó ekki felld að einfaldri leiðsagnarreglu.