Fylgikvillar í miðtaugakerfi af völdum sýkinga í miðeyra og skútum

Abstract

Otitis media and sinusitis are common diseases. Between 1981 and 1990 eight patients were treated at Borgarspitalinn for serious central nervous system complications from infections of the middle ear and sinuses. Twelve complications were found in these 8 patients. Cerebral abscess was the most common and serious complication and caused death in one patient. With the advent of broad-spectrum antibiotics the clinical course of middle ear disease and sinusitis has been altered. The clinician may be falsely assured that administration of antibiotics will result in complete resolution of these diseases while unsuspected complications can go undetected.

Miðeyrna- og skútabólga (otitis media-sinusitis paranasalis) eru tíðir sjúkdómar og fylgja gjarnan í kjölfar veirusýkinga í efri öndunarvegum. Fyrir daga sýklalyfja gátu þessir sjúkdómar tekið á sig hastarlega mynd og valdið alvarlegum sýkingum í aðlægum líffærum svo og í miðtaugakerfi (1). Meðferð og gangur miðeyma- og skútabólgu breyttist mjög við tilkomu sýklalyfja fyrir miðja 20. öldina (2). Alvarlegir fylgikvillar þessara sjúkdóma hafa orðið æ sjaldgæfari. Kynslóð lækna hefur alist upp án þess að kynnast þeim fylgikvillum í miðtaugakerfi, sem miðeyrna- og skútabólgur geta leitt til. Notkun sýklalyfja getur á hinn bóginn dulið og dregið á langinn sjúkdómsmynd þessara fylgikvilla (3). Ofangreindir þættir kunna að valda því að þeir greinast síður í tæka tíð. Grein þessi er rituð með það fyrir augum að minna lækna á alvarlegar hliðar þessara sjúkdóma. Jafnframt verður athuguð tíðni fylgikvilla af völdum sýkinga í miðeyra og skútum og grunnatriði í meðhöndlun þeirra.