Rannsókn á tengslum Helicobacter pylori í magaslímhúð við vefjaflokka og magabólgur

Abstract

Gerð var rannsókn á sambandi Helicobacter pylori í magaslímhúð, annars vegar við vefjaflokka en hins vegar við útlit og meingerð magaslímhúðarinnar. A þeim tíma sem rannsóknin stóð yfir komu 224 sjúklingar til magaspeglunar á Landspítalanum. Í úrtakinu voru 47 þeirra, 27 konur og 20 karlar á aldrinum 14-75 ára. Miðgildi aldurs var 51 ár. Tekin voru vefjasýni úr maga og blóð til vefjaflokkunar. Útilokaðir frá þátttöku voru allir þeir sem höfðu tekið sýklalyf síðustu tvær vikurnar fyrir speglun, höfðu blæðingartilhneigingu eða voru á blóðþynningarmeðferð. Ræktun, vefjaflokkun og vefjaskoðun var gerð án vitneskju um niðurstöður úr öðrum hlutum rannsóknarinnar. H. pylori ræktaðist frá 29 (61.7%), þar af voru 17 konur og 12 karlar. Aldursdreifing þeirra var 19-74 ár. Miðgildi aldurs var 56 ár. Samræmi milli ræktunar og vefjarannsóknar með Warthin-Starry litun var 94.3%. Miðað við samanburðarhóp sýndu einungis vefjaflokkur Aw-19 og þeir seiii ekki sýndu svörun í B vefjaflokki marktæka fylgni við jákyæða ræktun af H. pylori. Þeir sem ekki sýndu svörun í B vefjaflokki höfðu einnig fylgni við neikvæða ræktun af H. pylori. Allir 47 höfðu magabólgur þrátt fyrir að magaslímhúð væri talin eðlileg við speglun hjá 21. Af 29 með jákvæða ræktun fyrir H. pylori hafði 21 (72.4%) virka, hægfara magabólgu (gastritis chronica activa) en átta höfðu hægfara magabólgu (gastritis chronica). Af 18 með neikvæða ræktun fyrir H. pylori, höfðu 17 (94.4%) hægfara magabólgu og einn virka, hægfara magabólgu (leiðrétting Yates, P<0.001).