Geðteymi heimahjúkrunar : Heilsugæsla höfuðborgarsvæðisins

Abstract

Heilbrigðis- og tryggingamálaráðuneytið kom að máli við Heilsugæsluna haustið 2003 og óskaði eftir því að sett yrði á laggirnar geðteymi við heimahjúkrun er sinnti þeim sem ættu við geðræn vandamál að stríða. N okkur undirbúningur var við stofnun teymisins og var haft samráð bæði við geðsvið L SH og Geðhjálp auk annarra aðila sem sinnt hafa þessum hópi. R áðinn var verkefnastjóri, Guðný Anna Arnþórsdóttir geðhjúkrunarfræðingur og vann hún í nánu samstarfi við fyrrnefnda aðila ásamt forstöðumanni heimahjúkrunar og hjúkrunarforstjóra Heilsugæslunnar að undirbúningi teymisins1. Geðteymi heimahjúkrunar tók til starfa í mars 2004, en það var ekki fullmannað fyrr en í apríl sama ár. Í teyminu starfa nú fjórir hjúkrunarfræðingar og tveir sjúkraliðar. N okkrir starfsmannanna eru í hlutavinnu. N okkur tími og vinna var hjá hinu nýstofnaða teymi að skipuleggja starfsemina. Áhersla er lögð á að teymið haldi vel utan um alla skráningu og sé vel að sér varðandi þau meðferðarúrræði sem í boði eru í samfélaginu og þekki til þeirra stofnana( úrræða) sem skjólstæðingarnir eiga samskipti við ásamt því að viðhalda faglegri þekkingu1.