Eyrnasuð : greining, möskun og meðferð með suðara

Abstract

Til Heyrnar- og talmeinastöðvar Íslands, Reykjavik (HTI) voru fyrir nokkru keypt tæki (WATIC™ TA3 og TM3) til greiningar og meðferðar eyrnasuðs með möskun og hömlunarleif). Tuttugu og þrír sjúklingar með langvarandi eyrnasuð voru teknir til greiningar og meðferðar á 12 mánaða tímabili. Sjúklingarnir voru á aldrinum 47 til 75 ára - miðgildi 66 ár og meirihlutinn karlar (65%). Allir höfðu sjúklingarnir meiri eða minni heyrnardeyfu og orsök hennar aðallega elli- og/eða hávaði. Suðgreining tókst hjá flestum og möskun var jákvæð hjá helmingi sjúklinganna. Sjö sjúklingar fengu hömlunarleif og var úthlutað suðara til reynslu. Suðarinn var stilltur með tilliti til suðgreiningar sérhvers sjúklings. Af öllum hópnum höfðu 9-27 af hundraði veruleg eða nokkur not af suðara til deyfingar eyrnasuðs með hömlunarleif. Er það sambærilegt við niðurstöður athugana erlendis.