Hugræn atferlismeðferð við verkjum

Abstract

Verkir hafa alltaf fylgt okkur en það er misjafnt hvernig litið hefur verið á þá í gegnum tíðina. Á tímum forngrikkja var litið á verki sem tilfinningu, tilfinningu sem var andstæða vellíðunar. En tímarnir breyttust, sérstaklega á vesturlöndum. Með aukinni þekkingu í læknisfræði var farið að líta á verki sem skynfyrirbæri, eins og t.d. lyktar- og bragðskyn. Tilfinningaleg hlið verkja var talin vera aukaafurð verkja, sem hefði ekki áhrif á verkinn sem slíkan. En þessi skoðun hefur breyst á seinni árum (Craig, 1994). Það er nú ljóst að verkir eru flókið fyrirbæri og tilfinningar, aðstæður og upplifanir fólks á verkjum sínum skipta miklu máli í allri umræðu um verki og í verkjameðferð. Um þetta fjallar þessi grein.