Reykingar íslenskra kvenna á meðgöngu

Abstract

Könnun var gerð á reykingum og reykingavenjum meðal kvenna á sængurkvennadeildum Landspítalans. Af 590 konum sem fengu spurningalista svöruðu 440 (74.6%). Rúmur þriðjungur (34.3%) reykti á meðgöngu, þar af 27% daglega. Yngstu og elstu konurnar reyktu sjaldnar í þungun. Með hærri aldri jókst hlutfall þeirra sem reyktu og þeim fækkaði sem hættu reykingum á meðgöngunni. Yngstu konurnar reyktu færri sígarettur og hættu oftar reykingum á meðgöngu eða drógu úr þeim. Tæp 18% kvenna höfðu hætt reykingum áður en þær urðu barnshafandi. Af þeim sem reyktu á meðgöngunni breytti þriðjungur engu um reykingar sínar, en 60% minnkuðu þær. Enginn munur var á aldursdreifingu hjá þeim sem minnkuðu reykingar og hinum sem ekki breyttu reykingavenjum sínum. Fjallað er um hættur fyrir ófætt barn af beinum og óbeinum reykingum á meðgöngu.