Könnun á svefnháttum íslenskra barna

Abstract

Hér á landi og annars staðar hefur lengi verið talið að hæfilegur svefn væri börnum mikilvægur til vaxtar og þroska. Það er því merkilegt hve lítið er vitað um raunverulegar svefnvenjur barna og breytileika þeirra meðal hinna ýmsu þjóða (1). Ítarlegustu rannsóknir hingað til á svefnvenjum barna hafa verið gerðar í Svíþjóð (2), en einnig hafa verið gerðar kannanir í Bandaríkjunum (3,4), Sviss (5) og víðar (6). I því skyni að fræðast nánar um svefnvenjur barna hér á landi var gerð könnun á vegum geðdeildar Landspítalans, þar sem forráðamenn 600 barna fengu senda spurningalista um svefnvenjur barna sinna og voru einnig beðnir að halda svefnskrá. Enn fremur voru 350 unglingum 13-20 ára sendir svipaðir listar til útfyllingar.