Alnæmi hjá börnum : yfirlitsgrein

Abstract

Fyrstu tilfellum alnæmis (AIDS/Acquired Immunodeficiency Syndrome) var lýst hjá hommum árið 1981 (1,2) og stunguefnaneytendum árið 1982 (3). Fyrstu lýsingar á börnum með torkennilega bilun í ónæmiskerfi birtust árið 1982 og varð mönnum þá ljóst, að alnæmi var ekki einungis sjúkdómur homma og fíkniefnaneytenda (4,5). Orsök alnæmis er í dag talin vera sýking af völdum HIV (human immunodeficiency virus) sem veldur víðtækri röskun á ónæmiskeríi líkamans (6,7). Alnæmi er lokastig þessarar sýkingar og hefur komið í ljós, að einkenni sjúkdómsins hjá börnum eru að mörgu leyti mjög frábrugðin einkennum hjá fullorðnum (8).