Einkenni frá hálsi og hnakka, herðum og öxlum : hóprannsókn á úrtaki Íslendinga II

Abstract

Á vegum Atvinnusjúkdómadeildar Vinnueftirlits ríkisins fór fram hóprannsókn á úrtaki Íslendinga. Athuguð voru einkenni frá hreyfi- og stoðkerfi. Við rannsóknina var notaður spurningalisti, sem var unninn af starfshópi á vegum Norrænu embættismannanefndarinnar um vinnuverndarmálefni (1, 2), en áður hefur verið sagt frá niðurstöðum úr yfirlitshluta hans (3). Í þessari grein verður sagt frá þeim hluta listans sem fjallar nánar um einkenni frá hálsi eða hnakka og herðum eða öxlum. Listinn hefur verið þýddur í heild og birtist í fyrri grein (3). Markmiðið með þessum hluta rannsóknarinnar var að fá nánari upplýsingar um algengi einkenna frá hálsi eða hnakka og herðum eða öxlum, hve lengi þau hefðu varað og hvort menn teldu sig hafa orðið óvinnufæra þeirra vegna. Niðurstöðurnar er síðan hægt að nota til að bera saman við niðurstöður, sem fást þegar spurningalistinn er lagður fyrir ýmsa starfshópa.