Geðvernd og lýðheilsa

Abstract

Forgangsmál í heilbrigðisþjónustu er að stuðla að bættu almennu heilsufari, draga úr nýgengi og algengi sjúkdóma og bæta heilsutengd lífsgæði alls almennings. Almennar aðgerðir sem stuðla að bættu heilsufari þjóðarinnar eru til þess fallnar að bæta geðheilsu fjöldans. „Lýðheilsugeðlækningar" beina í dag sjónum sínum að því að tryggja greiðan aðgang að geðheilbrigðisþjónustu, að því að auka þekkingu á félags-, umhverfis- og upplagsþáttum, sem hafa áhrifi á geðheilbrigði og að því að leggja grunn að forvarnaraðgerðum (1).