Fjölskylda og geðheilbrigði

Abstract

Fjölskylda og geðheilbrigði hafa lengi verið nátengd. Hugmyndin um það að vera í farsælu hjónabandi, eiga barnaláni að fagna og auðnast hamingjuríkt fjölskyldulíf hefur löngum verið talið ein af forsendum lífshamingju. Félagslegt og líkamlegt heilbrigði jafnt sem andlegt og tilfinningalegt jafnvægi er samofið velgengni í einkalífi og starfi. Oft er þó óljóst hvort kemur fyrst í þeim efnum, hænan eða eggið. Nánar má lesa um þetta efni m.a í nýútkomnu íslensku greinasafni um fjölskyldumál (1). Í umfjölluninni hér á eftir er stiklað á stóru um fjölskylduna sem samskiptaeiningu og hlutverk hennar í samfélaginu. Þá er lítillega drepið á niðurstöður íslenskra rannsókna um fjölskyldu og heilbrigði.