Illt er að selja sál fyrir auð : um vinnuskipulag og líðan starfsmanna

Abstract

Í rannsókninni sem hér er kynnt voru áhrif vinnuskipulags á líðan og stöðu starfsfólks í fiskvinnslu skoðuð1. Spurningalistar með 45 spurningum voru lagðir fyrir starfsmenn í 19 bolfiskvinnsluhúsum árið 1998 og var tæknistigi fiskvinnsluhúsanna og þar með vinnuskipulagi þeirra skipt í þrjú stig. Auk þessa voru viðtöl tekin við starfsmenn og stjórnendur og staðarathuganir gerðar í allmörgum fiskvinnsluhúsum. Hófundur heimsótti öll fyrirtækin og kynnti fyrirhugaða rannsókn og spurningalistann. Alls 815 starfsmenn fengu afhenta spurningalista. Af þeim skiluðu rúmlega 54% starfsmanna listunum til baka. Svarhlutfallið endurspeglar hlutfall kvenna og karla sem starfa í fiskvinnslu og hlutfall starfsfólks í mismunandi tegundum fyrirtækja. Svörunin var lægst í fiskvinnsluhúsum þar sem stór hluti starfsmanna voru útlendingar, jafnvel þótt spurningalistinn hafi verið þýddur á pólsku. Alls voru um 59% heimtur á íslenska spurningalistanum en einungis 26% á þeim pólska.