Þunglyndi

Abstract

Orðið þunglyndi hefur margar mismunandi merkingar. Það er oft notað í daglegu tali í sömu merkingu og orðin depurð eða tregi um eðlileg viðbrögð vegna áfalla á lífsleiðinni. Það getur einnig verið eitt af einkennum fjölmargra geðrænna truflana, til dæmis geðrofs. Þunglyndi er þó fyrst og fremst aðaleinkenni sjúkdóma sem tilheyra flokki svokallaðra geðhvarfasjúkdóma. Geðhvarfasjúkdómum má skipta í tvo flokka. Fyrri flokkurinn einkennist af þunglyndi og hann getum við nefnt einhverflyndi (Unipolar Disorders, Depressive Disorders). Síðari flokkurinn einkennist til skiptis af þunglyndi og örlyndi og hann getum við nefnt tvihverflyndi (Bipolar Disorders). Einhverflyndi má skipta í marga sjúkdóma en ekki eru menn á eitt sáttir um hvernig það verði best gert. Samkvæmt greiningarkerfi bandaríska geðlæknafélagsins skiptist einhverflyndi í meiriháttar þunglyndi (Major Depression), óyndi (Dysthymic Disorder), ódæmigert þunglyndi (Depressive Disorder Not Otherwise Specified) og aðlögunartruflun sem einkennist af þunglyndi (Adjustment Disorder with Depressed Mood). Eg mun í því sem her fer á eftir fjalla um einhverflyndi i heild og ekki hirða um skiptingu þess.