Þunglyndi hjá börnum

Abstract

Það er nokkuð almenn skoðun að þunglyndi hjá börnum sé annars eðlis en hjá fullorðnum og þeir eru til, sem álíta að þunglyndi í sjúklegu formi sé hreinlega ekki til hjá börnum. Af því má sjá að menn eru ekki á eitt sáttir og skoðana munur er verulegur. Munurinn virðist þó byggja að verulegu leyti á því hvernig menn skilgreina þunglyndi og þá sér í lagi sjúklegt þunglyndi. Til aukins skilnings er sennilega best að líta nánar á orsaka- og afleiðingasamböndin, sem liggja að baki.