Mælikvarði Becks á geðlægð : Beck depression inventory, 1979

Abstract

Að lokinni greiningu á þunglyndi er hægt að mæla dýpt geðlægðar með mælikvarða Becks á geðlægð. Þetta próf samanstendur af tuttugu og einni fjölvalsspurningu (a - d) sem endurspeglar þunglyndishegðun. Hverju atriði spurningar er gefin einkunn á bilinu 0-3. Prófið er yfirleitt lagt þannig fyrir að próftaki les það sjálfur yfir og merkir á viðeigandi stöðum. Tekur sú fyrirlögn u.þ.b. 10 mínútur og tekur skamman tíma að fara yfir prófið og gefa fyrir. Einkunnir undir 10 teljast eðlilegar en yfir 30 eru taldar endurspegla mjög mikla geðlægð. Einkunnir þar á milli gefa vísbendingu um misjafna dýpt geðlægðar. Prófið er þægilegt í fyrirlögn og hentar vel til klíniskrar notkunar á heilbrigðisstofnunum, í skólum og á stofum. Æskilegt er að leggja prófið fyrir í upphafi meðferðar á þunglyndi, hvort sem um er að ræða hugræna (kognítíva), lyfja- eða rafmeðferð. Síðan má leggja prófið fyrir hálfum mánuði eftir fyrstu fyrirlögn og þar eftir með viku til tíu daga millibili meðan á meðferð stendur, til að meta framgang meðferðar.